Ýüpekden mata dokamak

Eýranyň nepis senetlerinden biri ýönekeý,  dürli çyzyklar geçen, gözenek çyzmykly we geometrik nagyşlar bilen bezelen reňkli ýüpek matalary dokamakdyr. Olar ösümlik we mineral boýaglar bilen boýalyp, ini takmynan 30-50 sm we uzynlygy 100 metr ýa-da ondanam köp bolan tara gurallarda dokalýar.

Eýranda ýüpek mata dokamak hünärmentçiligiň  uzak taryhy bar we Marlik we Çeragali depelerinde  tapylan tapyndylar muňa şaýatlyk edýär. Altyn we kümüş sapakly  ýüpek matalar Şuştarda, Şyrazda, Fasada, Isfahanda dokalypdyr. Gülistan welaýatynyň Ramiýan, Minudaşt we Türkmensähra etraplaryny we Horasan welaýatyndaky Zawin, Kalat Naderi, Razo Jirgalan, Maneh we Samolgan obalaryny ýüpek matalary dokamagyň  merkezleri diýip atlandyryp bolar.

Ýüpek önümleriniň görnüşleri: gijeki çadyrlar, dürli desmallar, ýaglyklar, lentalar,  polotensalar, saçaklar we ş.m.

Häzirki wagtda  Gülistan  welaýatynyň dürli ýerlerinde, ylaýta-da Ramiýan we Minudaşt etraplarynda, şeýle hem   Kalale obanyň  golaýyndaky türkmen sebitlerinde   ýüpek  matalar  we   başga  ýüpek önümler  öndürilýär.  Baýander, Pişkamar, Gazan Giýeh, Şarlag, Däli Bogaj ýaly obalarda  we Jirgalan etrabynyň  obalarynyň  köpüsinde,  Baglag obasyndan  Hesarçe obasyna  çenli, ýüpek mata  dokamak  adatydyr.

Agzalan ýerlerden başga-da, Alang, Şahkuh (Çaharbag) we Serkalate (Kordkoý) ýaly obalarda  dokmaçylyk senedi  çäkliräk  görnüşde amala aşyrylýar.