Keçe - ýüňden ýasalyp ýere ýazylýan düşegiň bir görnüşidir. Keçe basmakda ýüňüň tebigy häsiýeti ulanylýar, ýagny çyglylygyň we basyşyň täsiri astynda ýüň süýümleri gysylýar we düşek emele gelýär.

Miniatýura - şekillendiriş sungatynda ownuk görnüşdäki eserler. Miniatýura sözüniň köki “minium” sözünden gelip çykýar. Minium - gurşun oksidi, doýgun gyzyl reňki berýän tebigy boýag. Gadymy taryh hakda gürrüň berýän orta asyr golýazma eserlerindäki şekillere “miniatýura” diýilýärdi, şol döwürlerde kitaplar ýyly reňkli ýönekeý şekiller bilen bezelýärdi.

“Minakari” - takmynan bäş müň ýyllyk taryhy bolan we Eýranyň senetçiligine mahsus bolan sungatdyr. Häzirki wagtda bu sungat esasan mis önümlerinde ulanylýar, ýöne altyn we kümüş önümlerde-de ulanylyp bilner.

“Monabbatkari”, ýagny agajyň ýüzüni oýup nagyş salmak sungaty - agaç bilen baglanyşykly iň möhüm sungat görnüşleriniň biridir. Agaç oýulanda, käwagt diňe nagyşlaryň çyzgysy we gyralary oýulýar, käwagt bolsa “mogar” diýilýän ýörite gural bilen güberçekli, ýarym güberçekli we doly güberçekli nagyşlar

Marketri - mozaika sungatydyr. Ýagny, ussat dürli reňkli agaç böleklerini hem-de olar bilen sazlaşýan başga materialdan taýýarlanan bölekleri birleşdirip, gymmatly sungat eserini döredýär. Marketri eseri - agaç we daş ýaly dürli materiallardan ýasalýar, ýöne bu sungatyň iň meşhur görnüşi agaç mozaikasydyr. Bu sungat Yspyhan, Ýazd, Kaşan we Töwriz ýaly şäherlerde has giňden ýaýran.

Zikgeleme sungaty metaldan, esasanam misden, altyndan we bürünçden ýasalan zatlary zikge kakyp nagyşlamakdan ybaratdyr. Başga sözler bilen aýdylanda, metaldan ýasalan zatlara çekiç bilen urup galam bilen çekilen nagyşlary zikgelemek. Beýleki metallara garanyňda has ýumşaklygy sebäpli zikgeleme sungatynda mis has köp ulanylýar. Köpden bäri dowam edip gelýän bu pudakda nagyşlar metaldan ýasalan zatlaryň ýüzüne kakylýar.

Eýranyň iň gadymy halysy “Pazyryk” halysy hökmünde bellidir. Bu halynyň ýaşyny alymlar 2400 ýyl diýip kesgitlediler. Bu haly Sibiriň günorta sebitlerinde tapyldy. Bu halyda ulanylan nagyşlaryň görnüşine görä, sungaty öwrenijiler bu dokmanyň Ahemeniler döwrüne degişlidigini kesgitlediler.

Pöwrize daşyndan nagyş salmak - amaly-haşam sungat bolup, misden, bürünçden ýa-da kümüşden ýasalan gap-gaçlaryň, şaý-sepleriň we bezegleriň üstünde pöwrize daşyň böleklerinden mozaika görnüşinde nagyş salmakdyr.

Metal ýüplük bilen keşde çekmek 2500-3000 ýyl ozal dörän keşde bezegleriň bir görnüşidir. Ilkibaşda bu ajaýyp we gadymy sungatda ulanylýan ähli gurallar altyn we kümüş materiallardan elde ýasalypdyr, emma häzirki wagtda altyn-kümüş materiallaryň gymmatlygy sebäpli olar emeli materiallardan ýasalýar.