Al-Zahra uniwersiteti

Al-Zahra uniwersiteti Tähranyň golaýyndaky  Wanak obasynda ýerleşýär.  Bu ýöriteleşdirilen uniwersitet 1965-nji ýylda aýal-gyzlar üçin döredildi. Uniwersitet açylanda  "Gyzlar üçin ýokary mekdep" ady bilen  90 talyp gyzlaryň kabul edilmegi bilen  öz işine başlady. Daşary ýurt dilleriniň terjimeçisi, kätipçilik işi  we psihologiýa ýaly hünärlerden başga-da, okuw meýilnamasyna öý hojalygy alyp barmagyň  usullary dersi girizildi. 1976-1977-nji okuw ýylynda  "Gyzlar üçin ýokary mekdep"  uniwersitete öwrüldi we 1977-nji ýyldan başlap uniwersitetde 4 fakultet işläp başlady: esasy ylymlar fakulteti, edebiýat we ynsanperwerlik ylymlary fakulteti, dolandyryş ylymlary we  ykdysadyýet fakulteti, çeperçilik fakulteti.    Al-Zahra Uniwersiteti 14 gektar meýdany tutýar, okuw fakultetleriniň we ylmy-gözleg merkezleriniň binalary üçin niýetlenen esasy binalardan başga-da, uniwersitetiň çäginde barlamhanalar,  ýöriteleşdirilen ussahanalar, amfiteatr, basseýn, restoran, sport zallary, bank we poçta bölümleri we  çagalar bagy bar. Häzirki wagtda Al-Zahra uniwersitetiniň düzümine 10 sany fakultet, 2  sany uniwersitet şäherçesi, 1 şahamça, 2 sany  ylmy-gözleg merkezi, galereýa we okuw merkezi girýär.  Şeýlelikde,  Al-Zahra uniwersiteti bilim, ylmy-barlag we  medeniýet  pudagyndaky işini dowam etdirýär.

“Taýms”  reýting ulgamy tarapyndan Aziýanyň uniwersitetleriniň reýtingi boýunça  çap edilen iň soňky netijelere görä, Al-Zahra uniwersiteti 401+ orny eýeleýär. “Taýms” reýting ulgamynyň 2021-nji ýylyň jemi boýunça Aziýa uniwersitetleriň  reýting sanawynda  551 uniwersitet  görkezilen, şolardan 47-si Eýranyň uniwersitetleridir.

Uniwersitetiň web sahypasy:

 https://en.alzahra.ac.ir/

Uniwersitetiň fakultetleri we ylmy-barlag institutlary:

 Ylmy-gözleg  merkezleri: 

• Analiz we bioanaliz gözleg merkezi
• Amaly mikrobiologiýa we mikrob biotehnologiýalar  gözleg merkezi
• Hindistany  öwreniş merkezi