“Saz, halk döredijiligi we folklor” atly halkara festiwalynyň açylyşy Türkmenistanyň Medeniýet ministrliginiň we ýurdumyzyň Medeniýet merkeziniň hyzmatdaşlygynda “Zendegi Mazändäran” toparynyň gatnaşmagy bilen Awaza milli syýahatçylyk zolagynda geçirildi.

                 “Awaza - 2023 saz, halk döredijiligi we folklor” atly halkara festiwaly sişenbe güni 13-nji iýunda (23 hordad) Türkmenistanyň Ministrler kabinetiniň orunbasary M.Mämmedowa, ýurdumyzyň medeniýet meseleleri boýunça geňeşçisi Nawid Rasuli we başgada diplomatik wekilhanalaryň wekilleriniň, daşary ýurtly şol sanda Eýran Yslam Respublikasy, Russiýa Federasiýasy, Tatarystan, Özbegistan, Täjigistan, Gazagystan, Rumyniýa, Hindistan we Hytaý Halk Respublikasyndan ussat  hünärmenleriň, habar beriş serişdeleriniň wekilleriniň gatnaşmagynda Balkan welaýatynda Awaza milli syýahatçylyk zolagynda uly şowhun dabara bilen açyldy.   

                 Festiwalyň açylyş dabarasynda M.Mämmedowa Türkmenistanyň Prezidentiniň festiwala gatnaşyjylara iberen gutlagyny okady. Onda daşary ýurtlaryň hünärmenleriniň arasyndaky halk döredijiligi we folklor  hyzmatdaşlygynyň berkemegine sebäp bolýan halkara derejesindäki festiwalyň uly ähmiýetine  we medeniýetde - sungatda tejribe alyşmaklyga uly üns berildi.

                 Gutlagda ýenede şeýle diýilýär: Garaşsyz we hemişelik bitarap Türkmenistanda geçirilýän halk döredijiligi we folklor "Awaza-2023" festiwalyna ünsi çekdi, bu çäre dostlukly ýurtlaryň arasynda özara medeni hyzmatdaşlygyň ösmegine, dürli halklaryň biri – biriniň  halk döredijiliginde we folklorda gazananlary bilen tanyşmaklygyna, ony dünýäde ýaýmaga we dünýäde parahatçylygyň güýçlenmegine ýardam eder.

                 Türkmenistanyň Prezidentiniň gutlagynda şeýle diýilip bellenýär: Medeniýet ugrunda halkara hyzmatdaşlagynyň ösmegi ýurduň medeniýet syýasatynyň esasy ugurlarynyň biridir.

                 Açylyş dabarada her topar öz ýurdunyň sazy, halk döredijiligi we folklory bilen tanyşdyrýan çykyşlary etdiler. Çäre “Zendegi Mazändäran” toparynyň çykyşy bilen dowam etdi. Bu toparyň  çeper ýolbaşçysy Hasan Ali Nežad.

                 Şeýlede festiwalyň dabaraly açylyşynda ýurdumyzyň hünärmenlerinden başga – da 8 sany ýurtdan we Türkmenistanyň 5 welaýatyndan hünärmenler öz çykyşlaryny ýerine ýetirdiler. 

                 Ýurdumyzyň medeniýet meseleleri boýunça geňeşçisi Näwid Rasuli “Türkmenistan” teleýaýlymyna ýagny Türkmenistanyň iň köp görülýän teleýaýlymyna beren interwýusynda ýurduň ýolbaşçylaryna sag bolsun aýdyp, Sazy, halk döredijiligini we folklory bütin dünýä halkalrynyň umumy dili diýip belledi, sebäbi onda birnäçe döwletleriň medeni umumylyklary görkezilýär we ol hem öz gezeginde medeniýetleriň we halklaryň has-da ýakynlaşmasyna sebäp bolýar. Şeýle hem Aýdym-sazy, ähli sungat bilen çuňňur baglanyşygy üpjün edýän dünýä halkynyň we adamyzat medeniýetiniň gündelik durmuşynyň möhüm bölegi hökmünde belläp geçdi.

                 Bu festiwal 4 gün ýagny 16 –njy iýuna (26 hordad) çenli ylmy - amaly maslahat, toparlaryň konserti, ýapylyş dabarasy, gatnaşyjy ýurtlara diplom gowşurmak ýaly dabaralar bilen dowam eder.