Türkmenistanyň Medeniýet ministrliginiň we Lebab welaýat häkimliginiň gunamagynda welaýatyň paýtagty Türkmenabat şäherinde «Senetçilik we amaly-haşam sungaty, dünýä halklarynyň mirasynda» atly halkara festiwaly Eýranyň hünärmenleriniň gatnaşmagy bilen açyldy.

12 - nji oktýabr, çarşenbe güni «Senetçilik we amaly-haşam sungaty, dünýä halklarynyň mirasynda» atly halkara festiwaly  Türkmenistanyň Ministrler Kabinetiniň Başlygynyň orunbasary Mährijemal Mämmedowa, Türkmenistanyň Medeniýet ministri Atageldi Şamyradowyň, Eýran Yslam Respublikasynyň medeniýet meseleleri boýunça geňeşçisi Näwid Räsuliniň, dürli daşary ýurt diplomatlarynyň, Eýrandan, Türkmenistandan, Özbegistandan, Gazagystandan, Türkiýeden, Litwadan hünärmenleriň, Türmenistanyň habar beriş serişdeleriniň wekilleriniň gatnaşmagynda Türkmenabat şäherinde (Lebap welaýaty) açyldy.     

Däp-dessurlary we umumy senetleri gorap saklamak we dikeltmek üçin hyzmatdaşlygy ösdürmek maksady bilen Lebaň welaýatynyň "Türkmeniň Ak öýi" binasynyň öňündäki meýdançada festiwalyň açylyş dabarasynda ilki Mährijemal Mämmedowa Türkmenistanyň Prezidentiniň «Senetçilik we amaly-haşam sungaty, dünýä halklarynyň mirasynda» atly halkara festiwala gatnaşyjylara gutlag hatyny okady. Onda hususan-da şeýle diýilýär:

“Sizi «Senetçilik we amaly-haşam sungaty dünýä halklarynyň mirasynda» atly halkara festiwalynyň açylmagy mynasybetli tüýs ýürekden gutlaýaryn! Siziň ähliňize berk jan saglyk, uzak ömür, döredijilik üstünliklerini arzuw edýärin! «Senetçilik we amaly-haşam sungaty dünýä halklarynyň mirasynda» atly halkara festiwalynyň dowamynda geçiriljek sergileriň, ylmy-amaly maslahatyň, milli lybaslaryň görkezilişiniň, daşary ýurtly senetçileriň türkmen kärdeşleri bilen döredijilik duşuşygynyň we ussatlyk sapaklarynyň bu halkara çäräniň many-mazmunyny baýlaşdyrjakdygyna, onuň ähmiýetini ýokarlandyrjakdygyna berk ynanýaryn.”

Lebap welaýatynyň merkezi şäheri Türkmenabat şäherindäki "Türkmeniň Ak öýi" binasynyň öňündäki meýdançany baýramçylyk şowhuny  gurşap aldy, onda Türkmenistanyň gündogar sebitiniň döredijilik toparlarynyň çykyşlary ýaýbaňlandyryldy.

Soňra açylyş dabarasy Türkmenistanyň milli aýdym-saz we halk döredijiliginde folklor çykyşlary bilen dowam etdi. Bu halkara festiwalda Medeniýet Merkeziniň tagallalary bilen Eýrandan 8 hünärmen gatnaşdy:

1. Golbähar Haýýati – Kollaj, nakgaşçylyk we miniatýura sungatynyň hünärmeni

2. Esmaeil Owsändi – Santur saz guraly ussasy we sazandasy

3. Häsäl Hanjani – Türkmen el halylary dokmaçysy

4. Patma Äbadi we onuň ýoldaşy Jenap Bäsiri - suzän duzi we golbafi hünärmenleri

5. Leýla Wahedi – Gaýyş we deriniň ýüzünde surat çekýän nakgaş

6. Mähdiýe Wahedi – daşlaryň ýüzüne surat çekýän nakgaş

7. Ramazan Moämmar – daş oýýan hünärmen

«Senetçilik we amaly-haşam sungaty dünýä halklarynyň mirasynda» sergisiniň açylyş dabarasynda  Gülbahar Ýangibaýewa Taganowa Lebap welaýat muzeýiniň müdiri çärä gatnaşyjylara we myhmanlara “Hoş geldiňiz” diýip garşy aldy. Soňra, gatnaşyjy ýurtlaryň hersinden bir hünärmen beýleki sungat işgärleriniň adyndan öz sungatyny, Eýran Yslam Respublikasyndan hanym Golbahar Haýýati özüni we Kollaj, nakgaşçylyk we miniatýura sungaty bilen tanyşdyrdy.

Dürli ýurtlardan gelen suratkeşleriň sergidäki bölümçelerine baryp görmek, ýurdumyzyň suratkeşleriniň eserlerine ýokary baha berlen festiwalyň gün tertibiniň ýene bir bölegi boldy.

«Senetçilik we amaly-haşam sungaty dünýä halklarynyň mirasynda» sergisi oktýabr  aýynyň 12 den – 14 ne çenli  üç gün geçirilýär. Bu ýokary dabaraly çäre türkmen habar beriş serişdeleri tarapyndan ençeme gezek ýaýlymlara berildi.