Eýran Yslam Respublikasynyň Medeniýet günleriniň" açylyş dabarasy,  sagat 18:00-da Türkmenistanyň Döwlet medeniýet merkeziniň Mukamlar köşgünde, Eýran Yslam Respublikasynyň Türkmenistandaky ilçisi Golam Abbas Arbab Halesiň, Türkmenistanyň ministrler kabinetiniň başlygynyň Söwda meseleleri boýunça orunbasary Atdaýewiň, Türkmenistanyň Medeniýet ministriniň orunbasary Gurban Şyhmyradowiçiň, Eýran Yslam Respublikasynyň Medeniýet we Yslam ugrukdyryş ministriniň Yslam, Medeniýet we Aragatnaşyk Guramasynyň Ylmy we Medeniýet Hyzmatdaşlygy boýunça orunbasary Doktor Muhammet Reza Bahmaniniň, ýurdumyzyň medeniýet we sungat wekilleriniň, Türkmenistanyň Medeniýet edaralarynyň ýolbaşçylarynyň, Türkmenistandaky diplomatik agzalary we ilçileriň, daşary ýurt guramalarynyň ýolbaşçylarynyň we Eýranyň medeniýet we sungat muşdaklarynyň gatnaşmagynda ýokary derejede geçirildi.

Berkarar döwletiň täze eýýamynyň Galkynyşy döwründe iki halkyň arasyndaky doganlyk, özara düşünişmek, hoşniýetli goňşuçylyk ýörelgelerine esaslanýan gatnaşyklar hil taýdan täze mazmuna eýe bolýar. Munuň şeýledigine 2022-nji ýylyň iýunynda Türkmenistanyň Prezidenti Serdar Berdimuhamedowyň Eýrana amala aşyran resmi sapary aýdyň şaýatlyk edýär. Bu sapar döwletara gatnaşyklaryň giňeldilmegine, şol sanda has ysnyşykly ylym-bilim hyzmatdaşlygyny, medeniýet we sungat ulgamynda özara alyşmalary işjeňleşdirmäge täze itergi berdi.

Saparyň çäklerinde resminamalaryň uly toplumyna gol çekildi. Şоlaryň hatarynda Türkmenistanyň Hökümeti bilen Eýran Yslam Respublikasynyň Hökümetiniň arasynda 2022 — 2025-nji ýyllarda ylmy, medeni, döredijilik we bilim taýdan alyşmagyň Maksatnamasy; Hyzmatdaşlyk etmek boýunça Türkmenistanyň Telewideniýe, radiogepleşikler we kinematografiýa baradaky döwlet komiteti bilen Eýran Yslam Respublikasynyň Teleradiogepleşikler baradaky guramasynyň (IRIB) arasynda özara düşünişmek hakynda Ähtnama; Türkmenistanyň Döwlet habarlar agentligi bilen Eýran Yslam Respublikasynyň Habar beriş agentliginiň arasynda özara düşünişmek hakynda Ähtnama; Hyzmatdaşlyk etmek barada Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty bilen Eýran Yslam Respublikasynyň Arhiwler we milli kitaphana guramasynyň arasynda özara düşünişmek hakynda Ähtnama; Söwda-ykdysady, ylmy-tehniki we medeni hyzmatdaşlyk hakynda Türkmenistanyň Mary welaýatynyň häkimligi bilen Eýran Yslam Respublikasynyň Horasan-Rezawi welaýatynyň häkimliginiň arasynda özara düşünişmek hakynda Ähtnama; Söwda-ykdysady, ylmy-tehniki we medeni hyzmatdaşlyk hakynda Türkmenistanyň Balkan welaýatynyň häkimligi bilen Eýran Yslam Respublikasynyň Gülüstan welaýatynyň häkimliginiň arasynda özara düşünişmek hakynda Ähtnama; Söwda-ykdysady, ylmy-tehniki we medeni hyzmatdaşlyk hakynda Türkmenistanyň Ahal welaýatynyň häkimligi bilen Eýran Yslam Respublikasynyň Horasan-Şomali welaýatynyň häkimliginiň arasynda özara düşünişmek hakynda Ähtnama bar.

Häzirki wagtda Türkmenistan bilen Eýranyň arasynda özara medeni alyşmalar ýola goýlup, şolaryň çäklerinde ylmy maslahatlar, sungat ussatlarynyň döredijilik saparlary, sergiler, kino, Medeniýet günleri hem-de bilelikdäki beýleki çäreler guralýar. Bu çäreler parahatçylyk, ynsanperwerlik we hoşniýetli goňşuçylyk ýaly mizemez gymmatlyklary alamatlandyryp, umumydünýä siwilizasiýasyna ägirt uly goşant goşan iki dostlukly halkyň taryhy-medeni, ruhy däpleriniň umumylygyna daýanýan döwletara gatnaşyklaryň pugtalandyrylmagyna kuwwatly itergi berýär.

Eýranyň Türkmenistanda geçirilen şu gezekki Medeniýet günleri dostluk we düşünişmek ýörelgelerini berkitmegi maksat edinýän iki halkyň özara gatnaşyklarynyň taryhynda nobatdaky täze sahypany açýar.

Dabara açylyp we tanyşdyrylyşdan soň, Türkmenistanyň Medeniýet ministriniň orunbasary Gurban Şyhmyradowiç we Eýran Yslam Respublikasynyň Türkmenistandaky ilçisi "Arbab Hales" bu medeni çäräniň başynda çykyş etdiler.

Türkmenistanyň Medeniýet ministriniň orunbasary Gurban Şyhmyradowiç açylyş dabarada şeýle diýdi: “Şu gün Aşgabatda açylan Eýran Yslam Respublikasynyň Türkmenistandaky medeniýet günleri iki halkyň arasyndaky dostlugyň we doganlygyň has-da pugtalanjakdygyny subut eder.”

“Şyhmyradowiç sözüni dowam etdi: Türkmenistanyň we Eýran Yslam Respublikasynyň Prezidentleriniň tagallalary netijesinde her ýyl iki ýurtda medeniýet günleri geçirilýär. Bularyň hemmesi dostlukly gatnaşyklaryň ösmegine we medeni hyzmatdaşlygyň has-da berkemegine ýardam edýär.” 

Şyhmyradowiç sözüni dowam etdi: “Dostluk gatnaşyklary ugrunda täze ädimler ätýän Türkmenistan we Eýran Yslam Respublikasynyň iki hökümeti, Türkmenistandan we Eýrandan gelen medeniýet we sungat işgärleriniň gatnaşmagynda halkara medeni maksatnamalary gezekli-gezegine gurnaýarlar. Hyzmatdaşlygy ösdürmek, berkitmek we iki goňşy hökümetiň arasynda hoşniýetli goňşuçylygy dowam etdirmek üçin şeýle maksatnamalary geçirmek biziň esasy maksadymyz bolup durýar.”

Şyhmyradowiç sözüni dowam edip: “Gahryman Arkadagymyzdan, milli liderimizden, Türkmenistanyň hormatly Prezidentinden we şeýlede Eýran Yslam Respublikasynyň hormatly Prezidentinden Eýran Yslam Respublikasynyň Türkmenistandaky Medeniýet günleriniň ýokary derejede gurnalmagy üçin döredip beren mümkinçilikleri üçin köp sag bolsun aýtýaryn”  diýip belledi. 

Eýran Yslam Respublikasynyň Türkmenistandaky ilçisi Golam Abbas Arbab Hales öz çykyşynda şeýle diýdi:

 “Şu gün, Eýran Yslam Respublikasynyň Medeniýet günlerini Türkmenistanyň Döwlet medeniýet merkeziniň Mukamlar köşgünde Yslam Rewolýusiýasynyň ýeňşiniň 44 ýyllygy bilen bilelikde geçirýäris. Bu medeni çäre iki döwletiň prezidentleriniň Seýid Ebrahim Reýisi we Serdar Berdimuhammedowyň soňky bir ýarym ýylda geçirilen duşuşygynyň, ýagny birnäçe gol çekilen ylalaşyklarynyň netijesidir. Şu ýylyň hordad aýynda (maý 2022) iki ýurduň Prezidentleriniň gatnaşmagynda Saadabat toplumynda Eýran Yslam Respublikasynyň Medeniýet we Yslamy ugrukdyryş ministrligi we Türkmenistanyň Medeniýet ministrliginiň arasynda 3 ýyllyk hyzmatdaşlyk barada maksatnama gol çekildi. Bu maksatnama gol çekilenden soň, bu ýokary derejeli medeni çäre görkezilen resminamanyň ýerine ýetirilişi hökmünde guraldy. Bu bolsa iki ýurduň bilelikde medeni hyzmatdaşlyga bolan yhlasyny we gyzyklanmasyny  aýdyň görkezýär.”  

Ol sözüni dowam etdi: “Medeniýet, yrym - ynançlardan, maşgala-jemgyýetçilik gymmatlyklaryndan we kadalaryndan, ýol-ýörelgelerinden, däp-dessurlaryndan, sungatyndan, tagamlaryndan gözbaş alyp gaýdyp, durmuşyň giň gerimine esaslanýan düşünjedir. Medeniýetiň çäginde halklaryň umumylyklary kesgitlenilýär we biri-birine täsir edýärler. Medeniýet, eýesiniň gözelligini we şahsyýetini görkezýän taýpalaryň, jemgyýetleriň, halklaryň we hökümetleriň egin - eşigidir. Eýran Yslam Respublikasynyň halky  bilen goňşy Türkmenistanyň halkynyň arasynda köp sanly medeni umumylyk, şol sanda din, medeniýet, jemgyýetçilik däp-dessurlary, dil, el işleri sungaty we umumy siwilizasiýa ugry, iki ýurduň umumy eşikleri manysyndadyr we taraplaryň arasynda dürli hyzmatdaşlyk pudagynda medeni we jemgyýetçilik sesini döredýär we esasy we ygtybarly platforma hökmünde ikitaraplaýyn hyzmatdaşlygyň beýleki ugurlarynyň syýasy, ykdysady , sebitleýin we halkara taýdan has –da berkemegi üçin hyzmat eder” diýip belledi.

Eýran Yslam Respublikasynyň Türkmenistandaky ilçisi sözüni dowam etdi:

“Meniýet günlerinde Eýran Yslam Respublikasynyň Medeniýet we Yslam ugrukdyryş ministriniň we oňa gatnaşýan wekiliýetiň, şeýle hem Eýran Yslam Respublikasyndan Türkmenistana gelen medeniýet we sungat toparlarynyň bolmagy iki ýurduň medeniýet pudagyndaky ýokary gyzyklanmalaryny görkezýär. Ýakyn geljekde Eýran Yslam Respublikasynda goňşy Türkmenistan döwletiniň medeniýet günleriniň geçirilmegine, örän şat bolarys.

Türkmenistanyň we Eýranyň wekilleriniň çykyşlaryndan soň, alyp baryjylaryň yglan etmegi bilen Demirgazyk Horasan welaýatyndan "Mirzazadeh" Kormanj aýdym-saz topary we "Ronak" etraplaryň aýdym-saz topary we Halkara Gadymy Sport we Göreş pälwançylyk Instituty sahnada  Eýranyň milli aýdym-sazlaryny ýerine ýetirmek we ritmiki, däp-dessur hereketleri we pälwançylyk sungaty hereketleri ýerine ýetiridiler. Joşgunly el çarpyşmalar eýran halkynyň kökleri asyrlaryň jümmüşine uzap gidýän däp-dessurlaryna, sportuň gadymy görnüşleriniň wekilleriniň, milli aýdym saz wekilleriniň ýokary ussatlygyna berlen mynasyp baha boldy.