Türkmenistanyň we Eýran Yslam Respublikasynyň bilelikdäki moda – lybas sergisi Türkmenistanyň medeniýet ministriniň orunbasary Gurbanmyrat Myradalyýewyň gatnaşmagynda açyldy.

    27-nji awgustda Türkmenistanyň Çeperçilik akademiýasynyň sergiler zalynda Türkmenistanyň we Eýran Yslam Respublikasynyň bilelikdäki moda – lybas sergisi Türkmenistanyň medeniýet ministriniň orunbasary Gurbanmyrat Myradalyýewyň, ýurdumyzyň ilçisiniň orunbasary Ali Akbar Bazubandiniň, Medeniýet meseleleri boýunça geňeşçi Nawid Rasuliniň we Türkmenistanyň Dokma senagaty ministrliginiň Modeller öýüniň başlygy Ýunus Nepesowyň, daşary ýurtly diplomatlaryň, iki ýurduň  Türkmenistanyň we Eýran Yslam Respublikasynyň  dokma senagaty ulgamynyň wekilleriniň, habar beriş serişdeleriň wekilleriniň gatnaşmalygynda öz işine başlady.

    Serginiň açylyş dabarasynda Türkmenistanyň medeniýet ministriniň orunbasary Gurbanmyrat Myradalyýew ähli myhmanlara hoş geldiňiz diýip, Türkmenistanyň daşary syýasatynda Eýran Yslam Respublikasy bilen ýola goýlan gatnaşygyň ornyna ünsi çekip, şeýle diýdi: Şu günki  türkmen-eýran bilelikdäki ýöriteleşdirilen moda we lybas  sergisiniň açylmagy hem, biziň halklarymyzyň milli lybaslaryny, modalaryny birek-birege medeniýeti bilen has ýakyndan tanyşdyrmakda möhüm ähmiýete eýe bolýar ähmiýeti uly bolar.

     Soňra ol iki ýurtda geçirilen käbir medeni çärelere salgylanyp, olaryň hyzmatdaşlygy ösdürjekligine umyt baglap, sözüni dowam etdi: Soňky ýyllarda Türkmenistan bilen Eýran Yslam Respublikasynyň arasynda medeni hyzmatdaşlygy ösdürmek boýunça işler has-da ösdürilýär. Geçirilýän halkara ähmiýetli çärelere iki ýurduň medeniýet we sungat işgärleri işjeň gatnaşýarlar, özara tejribe alyşýarlar. Bularyň ählisi türkmen-eýran halklarynyň arasynda dost-doganlyk gatnaşyklarynyň barha ösdürilýändigine doly şaýatlyk edýär.

Eýran Yslam Respublikasynyň Türkmenistandaky ilçisiniň orunbasary Ali Akbar Bazubandi iki ýurduň dürli ugurlardaky gatnaşyklarynyň ösüşine ünsi çekip, şeýle diýdi:

Medeniýet ulgamyna degişli dabaralary we çäreleri geçirmek, esasanam sergileri geçirmek, iki ýurduň umumy köklerini has gowy düşünmäge we çuňlaşdyrmaga kömek edýär. Mundan başga-da, şeýle sergiler ykdysady gatnaşyklaryň giňelmegine we iki ýurduň arasyndaky söwda gatnaşyklarynyň ösmegine sebäp bolup biler.

Bazubandi iki ýurduň medeni gymmatlyklary goramakda alyp barýan işeleri barada şeýle diýdi:  Eýran Yslam Respublikasynyň we Türkmenistanyň iki hökümetiniň taryhy we medeni däp-dessurlaryny gorap saklamak üçin günbatar döwrebaplygynyň medeni tanyşdyrylyşy we çozuşyna garşy edýän tagallalary öwgä mynasyp. Häzirki döwürde ýaşaýan halk hökmünde we biziň ýurdumyzyň hökümetiniň bir bölegi hökmünde medeni mirasymyzy gorap saklamak we indiki nesillere geçirmek  biziň borjumyzdyr. Esasanam moda we lybas temasy bilen şular ýaly medeni sergileri geçirmek medeni gymmatlyklary gorap saklamaga we iki ýurduň birek-birege medeni we gymmatlyk umumylyklaryna düşünişini artdyryp biler.

Eýran Yslam Respublikasynyň ilçisiniň orunbasary sözüniň soňunda Türkmenistan döwletine şular ýaly moda – lybas sergisini bilelikde geçirmek üçin döreden mümkinçiligi üçin sag bolsun aýdyp, medeniýet temasyndaky dürli sergi we çäreleriň Eýranda we Türkmenistanda yzygiderli geçirilmegine we iki halkyň birek – biregi bilen tanyşlygynyň has köp bolmasyna umyt bildirdi.

Türkmenistanyň Dokma senagaty ministrliginiň Modeller öýüniň başlygy Ýunus Nepesow Medeniýet merkezine sag bolsun aýdyp, Modeller öýi barda şeýle diýdi: Modeller öýi, Türkmenistanyň aýrylmaz medeni bölegi bolup hyzmat edýar. Milli baýramçylyklarda Modeller öýünde öndürilen  önümler, tans toparlaryň, ady belli aýdymçylaryň we hormatly myhmanlaryň owadan lybaslaryna aýratyn bezeg berýär. Ýagny Modeller öýi özboluşly gaýtalanmaz görnüşde tikilen, türkmeniň medeniýetini we milli däp-dessurlaryny manylaşdyrýan, haýran galdyryjy lybaslaryny hödürleýär. Modeller öýüniň dizaýnerleriniň işleri ýurdumyzyň çäklerinden daşarda hem bellidir. Biziň dizaýnerlerimiziň milli lybaslary taýýarlamagy gadymy ýörelgelerini hem-de häzirki zaman meýillerini peýdalanyp ýerine ýetirýän işleri ýurdumyzda öndürilýän matalaryň diňe bir ýokary hiliniň iň gowy mahabatlandyrmasy bolman, olaryň özboluşlylygyny şeýle hem, islendik ýerde aňsatlyk bilen tanalýandygyny aýdyň görkezýär.

Ol sözüniň soňunda Modeller öýi tarapyndan daşary ýurtlarda gurnalýan görkezişler barada hem belläp geçip sözüni dowam etdi: Ýurdymyz „Ýüpek ýoluň“ ugrunda ýerleşýändigi sebäpli, Modeller öýünde taýýarlanýan lybaslaryň ýygyndy görnüşleri öz täsirini ýetirýär. Ýagny ýönekeýje ýüpekden, panbarhatdan ýa-da keteniden ýüpek sapagy geçýär, oňa yhlas siňdirip el nagyşyny goşsaň, bu taýyn önüm dünýede tanalýan haýran galdyryjy lybas bolup çykýar.

Ýurdumyzyň Türkmenistandaky Medneiýet meseleleri boýunça geňeşçisi Nawid Rasuli ynsanlaryň günlik geýýän lybaslarynyň ähmiýeti barada şeýle diýdi:

Egin – eşik we lybaslar adamlar bu ýere aýak basanlaryndan bäri möhümdir.Taryhy gözleglere seredenimizde, adamlaryň hemişe täze elementleri ulanmak üçin täze çözgüt gözleýändigini görýäris; Egin-eşigiň görnüşi adamlaryň duýgularyna we pikirlerine gönüden-göni täsir edip biler. Şeýle hem, reňkler düşünjeleri bermek üçin güýji ulanyp boljak iň möhüm elementlerdir we moda - egin-eşik pudagynyň işgärleri bu düşünjeleri reňklere aýratyn göz bilen ýetirmekde möhüm rol oýnaýarlar.

Ol sözüni dowam etdi: Häzirki wagtda moda örän möhüm bilime öwrüldi we ýöriteleşdirilen usul bilen öwredilýär . Sergilerde we çärelerde hemmeler tarapyndan uly üns berilýär. Moda pudagy her pursatda ösýän we hemişe öňe gitýän pudaklardan biri we täze nesiller hemişe egin-eşik we moda mätäç bolansoň, bu pudakda durgunlyk ýok.

Rasuli sözüniň soňunda ilkinji gezek geçirilýäm Türkmen – Eýran bilelikdäki ýöriteleşdirilen moda – lybas sergisi we hünär ussatlyk sapagyna ünsi çekip, şeýle diýdi: Ilkinji gezek geçirilýän Türkmen – Eýran bilelikdäki moda lybas segisi we hünär ussatlyk sapaklary, iki ýurduň halkara derejesindäki mümkinçiliklerini görkezmek üçin hyzmatdaşlygy we binýady üpjün edip biler we bu ugurda iki ýurduň arasyndaky ykdysady gatnaşyklaryň ösmegine ýardam eder.

Belläp geçsek, Türkmen – Eýran bilelikdäki ýöriteleşdirilen moda – lybas sergisi we hünär ussatlyk sapagy 3 gün 29-njy awgusta çenli dowam eder.