Demirgazyk Horasan welaýatyndan halkara matematika olimpiadasyna gatnaşan okuwçylar Medeniýet merkezine geldiler.

30-njy martda (11 -nji färwärdin) Demirgazyk Horasan welaýatyndan halkara matematika olimpiadasyna gatnaşmak üçin Türkmenistana gelen okuwçylar şol welaýatyň ylym – bilim bölüminiň baş müdiri jenap Abulgasym Akbariniň ýolbaşçylygynda Medeniýet merkezine gelip, pars dili öwredilişi bilen tanyş boldular.

Eýran Yslam Respublikasynyň Türkmenistandaky medeniýet meseleleri boýunça geňeşçisi Nawid Rasuli Demirgazyk Horasan welaýatyndan gelen wekiliýeti we okuwçylary garşylap, ýurdumyzyň adyndan gatnaşyp 3 medal bilen gutlady. Soňra Medeniýet merkeziň iki ýurduň arasynda gatnaşyklary has-da pugtalandyrmak üçin dürli ugurlarda hususan-da medeniýet ugrunda alyp barýan işlerine ünsi çekdi. Medeniýet, ylym, bilim we sport ugurlary boýunça iki ýurduň arasyndaky gatnaşyklary giňeltmäge we Eýranyň Demirgazyk Horasan welaýaty bilen Türkmenistanyň Ahal welaýatynyň arasynda welaýatara düşünişmek memorandumynyň bardygyny göz öňünde tutup, bilelikdäki çäreleri durmuşa geçirmäge taýýardygyny mälim etdi. 

Demirgazyk Horasan welaýatynyň ylym - bilim bölüminiň baş müdiri Abulgasym Akbari minnetdarlyk bildirip, welaýatyň bilim mümkinçilikleri barada düşündiriş berdi we türkmen tarapy bilen bilelikdäki maksatnamalaryň durmuşa geçirilmegi baradaky teklibi gollady.

28-nji martda Arkadag şäherinde Magtymguly Pyragynyň doglan gününiň 300 ýyllygyna bagyşlanan halkara matematika olimpiadasy 13 döwletden 120 okuwçynyň we 40 mugallymyň gatnaşmagynda öz işine başlady. Halkara olimpiadasyna Azerbaýjan, Bolgariýa, Belarus, Eýran Yslam Respublikasynyň, Gazagystan, Hytaý Halk Respublikasynyň, Katar Döwletiniň, Täjigistan, Türkiýe Respublikasynyň, Özbegistan, Russiýa Federasiýasynyň we Saud Arabystanyň wekilleri gatnaşdylar. Şunlukda, Demirgazyk Horasan welaýatyndan Alireza Motallebi, Nazanin Fatemeh Hasanzadeh we Fardin Abedzadeh bürünç medala eýe boldular. Russiýa Federasiýasynyň, Türkmenistan döwletiniň, Hytaý Halk Respublikasynyň toparlary gowy netijeleri görkezdi. Ýeňiji bolan mekdep okuwçylary medallar, gymmat bahaly sowgatlar bilen sylaglanyldy. Şeýle-de Russiýa Federasiýasyndan gelen mekdep okuwçylaryna «Awaza» milli syýahatçylyk zolagynda 10 günlük dynç almaga mümkinçilik döredýän ýollanma gowşuryldy.