2025-nji ýylyň 18-nji fewral aýynda (30/11/1403) Türkmenistanyň diplomatik işgärleriniň güni mynasybetli, Daşary işler ministrliginiň Halkara gatnaşyklary institutynda “Halkara parahatçylyk we ynanyşmak ýyly: halkara gatnaşyklary berkitmekde diplomatiýanyň orny” atly halkara çäre geçirildi. Oňa Ministrler Kabinetiniň Başlygynyň käbir orunbasarlary, daşary ýurtlaryň we halkara guramalaryň ýurdumyzdaky wekilhanalarynyň ýolbaşçylary, milli diplomatik gullugyň, jemgyýetçilik guramalarynyň, köpçülikleýin habar beriş serişdeleriniň wekilleri, ýokary okuw mekdepleriniň professor-mugallymlary, talyplar gatnaşdylar.

Bir günlük baýramçylyk medeniýet we sungat sergisi bilen başlandy, bu ýerde daşary ýurt ilçihanalary öz ýurdunyň medeniýet we sungat üstünlikleriniň bir bölegini görkezdiler we gatnaşyjylar sergä aýlanyp gördüler.

Eýran Yslam Respublikasynyň pawilýonynda minakari, hatemkari, firuzekubi, gälämzäni we başga-da birnäçe ýurdumyzyň sungat ussatlary we hünärmenleri tarapyndan ýerine ýetirilen eserler sergä çykaryldy. Bundan başga-da Medeniýert merkezi tarapyndan taýýarlanan Magtymguly Pyragynyň 2 jiltlik diwany- deňeşdirilen nusgalar esasynda, Türkmen halkynyň Milli Lideriniň “Enä tagzym - Mukaddeslige tagzym” atly kitabynyň terjimesi, Sagdyny eserleriniň terjimesi, türkmençe – parsça gepleşik sözlügi, Parsça – türkmençe sözlük, 30 sany gadymy pars ertekisi ýaly terjime edilip taýýarlanan kitaplar hem sergilendi.  

Türkmenistanyň Daşary işler ministri Raşid Meredow Eýran Yslam Respublikasynyň pawilýonyna baryp gördi we bu ýerde Medeniýet merkeziniň segilän amaly – haşam sungatynyň we täze neşir edilen eserleri, hususan-da Magtymguly Pyragynyň 2 jiltlik diwany- deňeşdirilen nusgalar esasynda, Türkmen halkynyň Milli Lideriniň “Enä tagzym - Mukaddeslige tagzym” atly kitabynyň terjimesi barada gürrüň berildi. Şeýle hem, Türkmenistanyň Daşary işler ministrine Türkmençe – parsça gepleşik sözlügi, Parsça – türkmençe sözlük, Magtymguly Pyragynyň özüniň we aramgähiniň kafeliň ýüzünde işlenen portretleri ýadygärlik hökmünde gowşuryldy.

Ýygnananlar Türkmenistanyň Prezidenti Serdar Berdimuhamedowyň hünär baýramy mynasybetli diplomatik işgärlerimize iberen Gutlagyny uly üns bilen diňlediler. Gutlagda şeýle diýilýär: “Häzirki döwürde halkara gatnaşyklaryň has-da ösmegine, ýurdumyzyň dünýä giňişligindäki abraýynyň ýokarlanmagyna gönükdirilen parahatçylyk söýüjilikli, ynsanperwer daşary syýasatymyz ulgamlaýyn esasda durmuşa geçirilýär. Bu ugurdaky möhüm wezipelerimiz “Bitarap Türkmenistanyň daşary syýasat ugrunyň 2022 — 2028-nji ýyllar üçin Konsepsiýasynda” giňden beýan edilýär”.

Maslahatda BMG-niň Ösüş maksatnamasynyň Türkmenistandaky hemişelik wekili, Ýewropa Bileleşiginiň ilçisi, Beýik Britaniýanyň, Hytaýyň, Malaýziýanyň, ABŞ-nyň, Türkiýäniň Türkmenistandaky Adatdan daşary we Doly ygtyýarly ilçileri çykyş etdiler.

Çykyş edenler häzirki wagtda Türkmenistanyň halkara abraýynyň barha ýokarlanýandygyny, halkara we sebit düzümleri, ilkinji nobatda, Birleşen Milletler Guramasy bilen netijeli hyzmatdaşlygyň ösdürilýändigini nygtadylar. Döwletimiz kabul edilen ikitaraplaýyn hem-de köptaraplaýyn halkara ylalaşyklary, şertnamalary, konwensiýalary berjaý etmek bilen, öz üstüne alan borçnamalaryna gyşarnyksyz eýerip, öz ägirt uly syýasy, ykdysady, medeni mümkinçiliklerini parahatçylygyň, ösüşiň bähbidine gönükdirýär. Dürli ulgamlarda amala aşyrylan we aşyrylýan bilelikdäki taslamalar, BMG-niň Baş Assambleýasynyň Türkmenistanyň başlangyjy boýunça kabul eden Kararnamalary hem munuň aýdyň mysalydyr.

Belläp geçsek, Diplomatik güni, dünýäniň ähli ýurtlary bilen özara hyzmatdaşlygy giňeltmek maksady bilen, 1995-nji ýylyň dekabrynda BMG tarapyndan Türkmenistan Bitarap ýurt hňkmünde tassyklanylandan soň, 2009-njy ýylyň fewralynda Türkmenistanyň Prezidentiniň karary bilen döredilendiri we bu diplomatik işleriň çemeleşmesini we Türkmenistanyň parahatçylykly daşary syýasatyny aýdyň gökezýändir.