EYR-nyň T-ndaky ilçihanasynyň Medeniýet meseleleri boýunça geňeşçisi Abdolreza Abbasiniň Türkiýäniň Aşgabatdaky Ilçihanasynyň Medeniýet merkezinde Syýahatçylyk hepdiginiň dabaraly açylyşyna gatnaşmagy

15/04/2025 – 26/01/1405

Türkiýäniň Aşgabatdaky Ilçihanasynyň Medeniýet merkezinde Syýahatçylyk hepdiginiň dabaraly açylyşy boldy. Adat boýunça her ýylyň 15-22-nji apreli aralygynda geçirilýän bu taslama medeni gepleşikleri berkitmäge we ýurduň syýahatçylyk mümkinçiliklerini görkezmäge gönükdirilendir.

 Maksatnamany Türkiýäniň diplomatik wekilhanasy, ýurduň Medeniýet we syýahatçylyk ministrligi hem-de Syýahatçylygy ösdürmek we tanatmak agentligi (TGA) bilen bilelikde gurady. Dabara diplomatlar, jemgyýetçilik işgärleri we köpçülikleýin habar beriş serişdeleriniň wekilleri şeýle – hem EYR-nyň Türkmenistandaky ilçihanasynyň Medeniýet meseleleri boýunça geňeşçisi Abdolreza Abbasi gatnaşdylar.

 Çäräniň hormatly myhmany Türkiýe Respublikasynyň medeniýet we syýahatçylyk ministriniň orunbasary Nadir Alparslan boldy. Ol öz çykyşynda bu forumyň «Bir millet — iki döwlet» ýörelgesine esaslanýan Aşgabat bilen Ankaranyň arasyndaky çuňňur gatnaşyklaryň nyşanydygyny nygtady. Jenap Alparslan türk tarapynyň myhmansöýerlik pudagynda toplanan tejribesini paýlaşmaga taýýardygyny tassyklady.

 Onuň aýtmagyna görä, dolandyryşyň «türk modeli» bilen Türkmenistanyň baý mümkinçilikleriniň utgaşmagy gaýtadan dikeldilýän Ýüpek ýoluny dünýä derejesindäki iň meşhur syýahatçylyk ugurlarynyň birine öwrüp biler.

 Resmi maksatnamany sebitiň dürli tebigy we binagärlik täsinliklerini açyp görkezýän mowzuklaýyn fotosergi tamamlady. Agşam milli tagamlaryň hödür-kerem edilmegi bilen jemlenip, myhmanlara resmi däl ýagdaýda aşhana däp-dessurlar we meşhur türk myhmansöýerligi bilen tanyşmaga mümkinçilik berdi.