Eýran Yslam Respublikasynyň medeniýet günleriniň ýapylyş dabarasy 18: 00-da Mukamlar köşgünde ýurdumyzyň Medeniýet we Yslam ugrukdyryş ministriniň we Türkmenistanyň Medeniýet ministriniň gatnaşmagynda geçirildi.

Bu dabaranyň başynda Türkmenistanyň Medeniýet ministri Atageldi Şamyradow: “Türkmenistan bilen Eýran Yslam Respublikasynyň arasynda ýola goýlan gatnaşyklar ähli ugurlarda günsaýyn artýar” diýip belledi.

Şamyradow Eýran Yslam Respublikasynyň medeniýet günleriniň üstünlikli geçirilmegini tüýs ýürekden gutlap, sözüni dowam etdi: Türkmenistan bilen Eýranyň halkynyň arasyndaky dostlukly we doganlyk gatnaşyklarda medeni hyzmatdaşlygyň aýratyn ähmiýeti bar we iki ýurduň medeniýet we sungat işgärleri Türkmenistanda we Eýran Respublikasynda halkara derejesinde geçirilen medeni çärelere gatnaşýarlar we bularyň hemmesi dostlukly gatnaşyklaryň ösmegine we medeni hyzmatdaşlygyň has-da berkemegine sebäp bolýar.

Çykyşynyň dowamynda şeýle diýdi: Türkmenistan we Eýran Yslam Respublikasynyň Prezidentleriniň tagallalarynyň netijesinde iki ýurduň medeniýet günleri her ýyl geçirilýär. Bularyň hemmesi dostlukly gatnaşyklary ösdürýär we medeni hyzmatdaşlygy has-da  berkitýär.

Şamyradow iki ýurduň sungat we senetçilik mugallymlarynyň okuw seminarlarynyň geçirilmegine we iki ýurdyň döredijilik işgärleriniň Türkmenistanyň Döwlet çeperçilik akademiýasynda geçirilen duşuşygyna we sungat mugallymlarynyň tejribe alyşmagynyň möhüm ähmiýetine ünsi çekdi. Eýranly doganlarymyzyň medeniýet we sungat pudagynda gazanan üstünliklerine çyn ýürekden buýsanýarys, diýip belledi.

Medeniýet we Yslam ugrukdyryş ministri Muhammet Mehdi Esmaila Eýran Yslam Respublikasynyň Türkmenistandaky medeniýet günlerine işjeň gatnaşandygy üçin minnetdarlyk bildirip, Türkmenistan bilen Eýran Yslam Respublikasynyň arasynda şular ýaly medeni çäreleriň gelejekde yzygiderli geçiriljekdigine umyt bildirdi.

Eýran Yslam Respublikasynyň Türkmenistandaky medeniýet günleriniň ýapylyş dabarasynda ýurdumyzyň Medeniýet we Yslam ugrukdyryş ministri doktor Muhammet Mehdi Esmaili Türkmenistan hökümetine minnetdarlyk bildirip şeýle diýdi: bu owadan şäherde özümizi daşary ýurtly ýaly duýguny başdan geçirmedik . Türkmenistanyň halky biziň garyndaşlarymyz we maşgalamyzyň agzalary, iki ýurduň ýolbaşçylary we Prezidentleri iki ýurduň arasyndaky medeni gatnaşyklary ösdürmek isleýärler.

Muhammet Mehdi Esmaili sözüni dowam etdi: "Beýleki ýurtlarda aragatnaşyk gurmak kyn, ýöne siwilizasiýanyň, medeniýetiň we taryhyň giňligi sebäpli Türkmenistanyň hökümeti we halky bilen hiç hili mesele ýok". Ol: Magtymguly we Abu Said Abu Al-Haýr ýaly köp sanly medeniýet we edebiýat şahsyýetleri iki ýurduň meşhur şahsyýetidir, biz her gün medeniýet we sungat aragatnaşygyny gowulandyrmaly we has köp medeniýet we sungat çärelerini guramalydyrys.

Medeniýet we Yslam ugrukdyryş ministri çykyşynyň dowamynda  Nowruz  baýramyny belläp, şeýle diýdi: “Nowruz iki ýurduň gadymy we gowy görýän baýramy, ony ýokary derejede bellemek üçin birnäçe meýilnamamyz bar.

Esmaili sözüni  dowam etdi: "Magtymgulynyň 300 ýyllygy  mynasybetli kino düşürmek we ýörite çeperçilik çärelerimiz bolar. Ýakyn wagtda durmuşa geçiriljek köp sanly medeni we sungat çäreleri üçin türkmen wekilleri bilen ýokary derejeli duşuşyklarymyz boldy”.

Soňra, bu dabaranyň dowamynda iki ýurduň medeniýet toparlary tomaşaçylaryň ünsüni özüne çeken çykyşlary ýerine ýetirdiler.