Jenap Aýatullah Mohsen Gomi Türkmenistanyň Mary welaýatynyň taryh we etnografiýa muzeýine baryp gördi.

7-nji iýunda çarşenbe güni Beýik ruhy lideriniň halkara gatnaşyklary boýunça orunbasary Jenap Aýatullah Mohsen Gomi, Eýranyň Beýik ruhy lideriniň halkara gatnaşyklary boýunça orunbasarynyň  Aziýa  we Ýuwaş ummany boýunça baş müdiri Muhammet Ebrahim Zerafäti, Eýranyň Türkmenistandaky ilçisi Golam Abbas Arbab Hales, Medeniýet meseleleri boýunça geňeşçi Nawid Rasuli we birnäçe diplomatlar bilen birlikde Mary welaýatynyň taryh we etnografiýa muzeýine bardy. Bu ýerde ol muzeýiň ýolbaşçysy tarapyndan gyzgyn garşy alyndy.

Şuny belläp geçmek zerurdyr, Mary welaýatynyň taryh we etnografiýa muzeýi 1986-njy ýylda döredildi we 2010-njy ýylda Türkmen halkynyň milli lideri we Halk maslahatynyň başlygy Gurbanguly Berdimuhammedowyň taýsyz  tagallalary bilen muzeýiň binasy täzeden dikeldildi. Muzeýiň gaznasynda türkmen halkynyň taryhy, medeniýeti we sungaty bilen baglanyşykly 40 000 (kyrk müňden) gowrak eser saklanýar. Muzeý garaşsyzlyk, tebigat, arheologiýa, etnografiýa, şekillendiriş sungaty we taryhy tapyndylar ýaly 6 bölümden ybarat.