Hojjat-ul-Yslam wal – muslimin Muhammet Mehdi Imanipur Eýran Yslam Respublikasynyň Türkmenistandaky Medeniýet merkezine baryp gördi we pars dili öwrenijiler bilen gürrüňdeş boldy.

Medeniýet we Yslam Gatnaşyklary Guramasynyň jemgyýetçilik gatnaşyklary bölüminiň habar bermegine görä, Magtymguly Pyraga bagyşlanan halkara maslahata gatnaşmak üçin Türkmenistana gelen Medeniýet we Yslam Gatnaşyklary Guramasynyň müdiri Hojjat-ul-Yslam wal – muslimin Muhammet Mehdi Imanipur 16-njy maýda Eýran Yslam Respublikasynyň Aşgabatdaky Medeniýet merkezine baryp gördi we pars dili öwrenijiler hem-de ýerli işgärler bilen söhbetdeş boldy. Jenap Nawid Rasuli ýurdumyzyň Medeniýet meseleleri boýunça geňeşçisi hem Medneiýet merkeziň alyp barýan işi barada gürrüň berdi.

 Jenap Imanipur Medeniýet merkezde pars dili öwredilýän we “Eýran şenasi” klaslara aýlanyp türkmen okuwçylary bilen gürrüňdeş boldy.