«Milli aýdym-saz sungaty dünýä halklarynyň mirasynda» atly halkara festiwaly we maslahaty Türkmenistanyň Medeniýet ministrligi we Medeniýet merkeziniň hyzmatdaşlygynda eýranly suratkeşleriň gatnaşmagynda açyldy.

28-nji noýabr, duşenbe güni «Milli aýdym-saz sungaty dünýä halklarynyň mirasynda» atly halkara festiwaly we maslahaty Ministrler Kabinetiniň Başlygynyň medeniýet meseleleri boýunça orunbasary Mährijemal Mämmedowanyň, Türkmenistanyň Medeniýet ministri Atageldi Şamyradowyň, Täjigistanyň Medeniýet ministri Zülfiýa Dowlät Zadeniň, Eýran Yslam Respublikasynyň Türkmenistandaky adatdan daşary we doly ygtyýarly ilçisi Golam Abbas Arbab Halesiň, ýurdumyzyň medeniýet meseleleri boýunça geňeşçisi Näwid Resuliniň, dürli ýurtlaryň diplomatlarynyň, Eýran Yslam Respublikasynyň, Türkmenistanyň, Täjigistanyň, Özbegistanyň, Gazagystanyň, Gyrgyzystanyň, Tatarstanyň, Azerbaýjanyň we Türkiýäniň sungat işgärleriniň, Türkmenistanyň habar beriş serişdeleriniň wekilleriniň gatnaşmagynda Aşgabat şaheriniň “Mukamlar” köşginde açyldy.

Milli we ýerli aýdym-sazyň medeniýetini we mirasyny gorap saklamak we dikeltmek üçin hyzmatdaşlygy ösdürmäge gönükdirilen festiwalyň açylyş dabarasynda Mährijemal Mämmedowa Türkmenistanyň Prezidentiniň «Milli aýdym-saz sungaty dünýä halklarynyň mirasynda» atly halkara festiwalyna  we maslahatyna gatnaşyjylara iberen gutlagyny okady.

Onda hususan-da şeýle diýilýär:

“Sizi «Milli aýdym-saz sungaty dünýä halklarynyň mirasynda» atly halkara festiwalynyň we maslahatynyň dabaraly açylmagy mynasybetli tüýs ýürekden gutlaýaryn! Siziň ähliňize berk jansaglyk, uzak ömür, aýdym-saz sungatynda uly üstünlikleri gazanmagyňyzy arzuw edýärin! «Milli aýdym-saz sungaty dünýä halklarynyň mirasynda» atly halkara festiwalynyň we maslahatynyň çäklerinde geçiriljek konsertleriň, halkara maslahatynyň, döredijilik duşuşyklarynyň we ussatlyk sapaklarynyň bu halkara çäresiniň ähmiýetini has-da ýokarlandyrjakdygyna, siziň her biriňiziň halkara festiwalynyň we maslahatynyň guramaçylykly geçirilmegi ugrunda ukyp-başarnygyňyzy gaýgyrmajakdygyňyza berk ynanýaryn.”

Açylyş meýilnamasyna laýyklykda her ýurduň aýdym-saz toparyna 5 minutlyk diňe bir çykyş etmäge rugsat berildi. Çäre “Eýran” halk aýdymlary we fokloryatly toparynyň, ýagny 11 adamdan ybarat bolan toparyň: Ysmaýyl Owsändi, Muhammet Täwäkkoli, Äli Pur Ätaýi, Sirus Ärab Geşe, Meýsam Gumurlu, Frank Gumurlu, Mähnaz Şäriati, Leýla Sorh Abadi, Fariba Pur Ätaýi, Irfan Parsanežad we Firuze Modir Horasaniniň çykyşy bilen dowam etdi.   

Beýleki gatnaşyjy ýurtlaryň milli aýdym-sazynyň çykyşy açylyş dabarasynyň soňy boldy.

Bu festiwal we maslahat 9-njy dekabra çenli üç gün aýdym-saz toparlarynyň konserti, ýapylyş dabarasy we gatnaşyjy ýurtlaryň sungat işgärlerine diplom gowşurylyşy bilen dowam eder.

Açylyş dabarasy türkmen habar beriş serişdeleri we teleýaýlymlar tarapyndan giňden ýaýlyma berildi.