Aşgabatda «Milli aýdym-saz sungaty dünýä halklarynyň mirasynda» atly halkara maslahaty ýürdumyzyň bilermenleriniň gatnaşmaklygy bilen geçirildi.

29-njy noýabr, duşenbe güni «Milli aýdym-saz sungaty dünýä halklarynyň mirasynda» atly halkara maslahaty Aşgabat şäherindäki "Arçabil" myhmanhanasynyň mejlisler zalynda Ministrler Kabinetiniň Başlygynyň medeniýet meseleleri boýunça orunbasary Mährijemal Mämmedowanyň, Türkmenistanyň Medeniýet ministri Atageldi Şamyradowyň, Türki ýurtlaryň halkara guramasynyň baş sekretary Soltanbaý Raefiň, ýurdumuzyň medeniýet meseleleri boýunça geňeşçisi Näwid Resuliniň hemde Eýran Yslam Respublikasyndan, Türkmenistandan, Täjigistandan, Özbegistandan, Gazagystandan, Gyrgyzystandan, Tatarstandan, Azerbaýjandan we Türkiýeden birnäçe bilermenleriň gatnaşmagynda geçirildi.

Milli we ýerli aýdym-sazyň medeniýetini we mirasyny gorap saklamak we dikeltmek üçin hyzmatdaşlygy ösdürmäge gönükdirilen maslahatda Mährijemal Mämmedowa Türkmenistanyň Prezidentiniň «Milli aýdym-saz sungaty dünýä halklarynyň mirasynda» atly halkara maslahatyna gatnaşyjylara iberen gutlagyny okady.

Türki ýurtlaryň halkara guramasynyň baş sekretary Soltanbai Raef indiki çykyş ediji hökmünde: "Milli aýdym-saz sungaty dünýä halkynyň mirasydyr we medeni däp-dessurlary gorap saklamaklyga uly ähmiýet berilýändir" diýdi.

Ol çykyşynyň dowamynda,  Türkiýäniň Magtymgulynyň 300 ýyllygy mynasybetli kararyna ünsi çekip: “2024 –nji ýylyň türk dünýäsiniň beýik şahyry we akyldary Magtymgulynyň ýyly we 2024-nji ýylda gadymy “Änew” şäheriniň “Türk dünýäsiniň medeni paýtagty” hökmünde yglan edilendigini” aýtdy.

Soňra aýdym-saz pudagynyň bilermenlerinden biri hanym Firuze Madiri Horasani dilden aýdylýan edebiýat barada şeýle diýdi: halkyň dilinden aýdylýan edebiýatl däp-dessurlaryny, yrym we ynançlaryny görkezýär.Sözüniň dowamynda ýerli aýdymlara, milli sazlara, ene hüwdisine we halk ertekilerine ünsi çekip, şeýle diýdi: “Köp kynçylykly ýyllaryň dowamynda dilden ýazylan edebiýaty dowam etdirýän zat, her bir milletiň medeniýetiniň we hakykylygynyň bir bölegi bolan yrym – ynançlary we däp-dessurlarydyr.”

Eýran Yslam Respublikasyndan gatnaşan başga bir hünärmen Meýsam Gumurlu özüniň "Adam ýüregi, ilkinji kakylýan gural" atly makalasy barada şeýle diýdi: Durmuş ritm bilen başlaýar we onuň durmagy bilen tamamlanýar. Adam üçin iň esasy we tanyş saz, ýüreginiň sesi we dem almagydyr. Şoňa laýyklykda ritm aýdym-sazyň iň gadymy bölegi bolup, ähli adamzat siwilizasiýalarynda ulanylýar.

Çykyşynyň ahyrynda Gumurlu Merkezi Aziýada tejribelerinden we ritm baradaky taryhy bilimlerinden peýdalanyp, gatnaşýanlar üçin Daf saz guralyny çalmak bilen Eýran ritminiň täze utgaşmasyny görkezdi.

Soňra gatnaşyjy ýurtlaryň hünärmenleri öz makalalary barada çykyş etdiler.

Maslahatyň soňunda, gatnaşyjylar halklaryň milli aýdym-sazlary dünýä halklarynyň mirasy hökmünde gorap saklamaga we dikeltmäge synanyşmalydyklaryny aýtdylar.