«TRT Avaz» Aşgabatda Magtymguly we Arkadag şäheri baradaky filmlerini hödürledi

Aşgabat şäherindäki «Aşgabat» kinoteatrynda Türkiýäniň «TRT Avaz» teleýaýlymynyň «Dana türkmen Magtymguly» we «Geljegiň şäheri Arkadag» atly dokumental filmleriniň ilkinji görkezilişi geçirildi. Çäräni Türkiýäniň Radiotelewizion korporasiýasynyň (TRT) Türkmenistandaky wekilhanasy hem-de «TRT Avaz» telekanaly bilelikde gurady.

Görkezilişe diplomatlar, ýokary okuw mekdepleriniň mugallymlary we talyplary, KHBS-niň wekilleri hem-de paýtagtyň ýaşaýjylary we myhmanlary gatnaşdylar.

Birinji film beýik türkmen şahyry we akyldary Magtymguly Pyragynyň durmuşy we döredijiligi hakda bolup, onuň adyllyk, dost-doganlyk we ynsanperwerlik baradaky pikirleriniň XXI asyrda-da öz ähmiýetini ýitirmän gelýändigini görkezýär.

Ikinji film bolsa Arkadag şäherine bagyşlanypdyr. Onda sebitde ilkinji «akylly» şäher hökmünde öňdebaryjy tehnologiýalaryň, ekologiýa ölçegleriniň we durnukly ösüş ýörelgeleriniň üstünlikli ornaşdyrylyşy görkezilýär.

«TRT Avaz» teleýaýlymy 16 ýyldan bäri möhüm wezipe ýerinäni ýetirýär – ol türki halklaryň arasyndaky medeni we ruhy köpri hökmünde çykyş edýär» diýip, «TRT Avaz» teleýaýlymy utgaşdyryjysy Ýujel Kylyçkaýa belledi.

Bu dabaraly çärä Türkmenistanyň telewideniýe, radiogepleşikleri we kinematografiýa baradaky döwley komitetiniň başlygynyň orunbasary Annasähet Kakaýew, Oguz han adyndaky “Türkmenfilm” birleşiginiň başlygy Mämmetnazar Saparmyradow, orunbasary Sahysalyh Baýramow we Eýran Yslam Respublikasynyň Türkmenistandaky Medeniýet meseleleri boýunça geňeşçisi Abdolreza Abbasi hem bu çärä gatnaşdylar.

Bu çärede jenap Abbasi Türkmenistanyň telewideniýe, radio gepleşikleri we kinematografiýa baradaky döwlet komitetiniň başlygynyň orunbasary, Oguz han adyndaky “Türkmenfilm” birleşiginiň başlygy  we orunbasary, Türkiýeniň Türkmenistandaky ilçihanasynyň medeniýet meseleler boýunça geňeşçisi Mehmet Ýasa, “Eşretli syýahat”  kärhanasynyň müdiri Sähra Amanowa bilen duşuşdy.

Annasähet Kakaýew we Türkmenfilm birleşiginiň ýolbaşçylary jenap Abbasini Türkmenistanda işe başlamagy bilen gutlap, geljekde hem ýola goýlan hyzmatdaşlygy has-da berkitmek ugrunda, şeýle – de türkmen filmleri bilen eýran halkyny tanyşdyrmak ugrunda uly göwrümli işeleri bararys diýip bellediler.

Sähra Amanowa hem Eýranyň syýahatçylyk ýerlerini türmen halkyna açyp görkezmek ugrunda, Eýranyň däplerini türkmenlere we türkmen halkynyň däp- dessurlaryny eýran halkyny görkezmek ugrunda işleşmäge taýýarlygyny mälim etdi.

Şeýle-de Türkiýeniň Türkmenistandaky ilçihanasynyň medeniýet meseleler boýunça geňeşçisi Mehmet Ýasa jenap Abbasä TRT Awaz tarapyndan taýýarlanan çärä gatnaşýanlygy üçin sagbolsun aýdyp, bilelikde medeni çäreleri gurnamaklygy teklip etdi.