“Awaza - 2023 saz, halk döredijiligi we folklor” atly halkara ylmy – amaly maslahaty “Zendegi Mazändäran” toparynyň gatnaşmagy bilen geçirildi.

“Awaza - 2023 saz, halk döredijiligi we folklor” atly halkara ylmy – amaly maslahaty Çarşenbe güni 14-nji iýunda (24 hordad) Türkmenistanyň wekilleriniň, ýurdumyzyň medeniýet meseleleri boýunça geňeşçisi Nawid Rasuliniň, Eýran Yslam Respublikasyndan, Türkmenistandan, Russiýa Federasiýasyndan, Tatarystandan, Özbegistandan, Täjigistandan, Gazagystandan, Rumyniýadan, Hindistandan we Hytaý Halk Respublikasyndan ylmy işgärleriň, habar beriş serişdeleriniň wekilleriniň gatnaşmagynda Balkan welaýatynda Awaza milli syýahatçylyk zolagynda ýerleşýän “Daýanç” sagaldyş we dynç alyş merkezinde geçirildi. 

Ylmy – amaly maslahatyň başynda Türkmenistanyň Medeniýet ministrliginiň teatrlar we tomaşa edaralary bölüminiň başlygy, taryh ylymlarynyň kandidaty Agamyrat Baltaýew gatnaşyjylaryň ählisine hoş geldiňiz diýip, “Folklor döredijiligi tans sungaty we däp – dessurlar  milli medeniýetiň aýrylmaz bölegi” atly makala bilen çykyş etdi. Çykyşynyň dowamynda ata – babalaryň milli mirasyny goramaklyga we geljekki nesillere geçirmeklik barada edilýän işler barada we şular ýaly festiwallaryň geçirilişi barada aýdyp geçdi. 

Soňra her ýurduň wekili maslahatyň dowamynda öz saz gurallarynyň we halk döredijiliginiň herekertleriniň manysy barada gürrüň berdiler.

Ali Hasan Nežad “Zendegi Mazändäran” toparynyň ýolbaşçysy we ugurda işleýän ylmy işgär sazlaryň, saz gurallaryň şeýle-de gündelik durmuşda ulanýan gaplarymyzyň stakan, aşhana gaplarymyzyň, çopanlaryň saz gurallarynyň Mazändäranda ulanylyş düzgüni we esasy saz gurallary barada gürrüň berdi. Şeýle hem maslahatda hemmeleriň ünsüni çeken zat “Täşt” ýagny padnos ýa-da mejmäniň saz guraly hökmünde ulanylmagy we onuň Eýranda Mazändäranda saz guraly hökmünde hasaba alynmagy boldy.Soňra Eýranly hünärmenler sazlary çalyp, halk döredijiliginden hasyl alynylyşy we çopanlaryň durmuşyna degişli bölekleri ýerine ýetirdiler we maslahata gatnaşyjylar tarapyndan el çarpmalar bilen gollandylar.

Şuny belläp geçmek zerurdyr, “Awaza - 2023 saz, halk döredijiligi we folklor” atly halkara ylmy – amaly maslahaty penşenben güni hem dowar eder we onuň dowamynda hünärmenler we ylmy işgärler tejribe alyşarlar.

Şeýle hem ady agzalan maslatyň dowaynda Türkmenistanyň hususan-da Balkan welaýatynyň hünärmenleriniň amaly – haşam sungatynyň sergisi gurnaldy we ol maslahata gatnaşyjylaryň ünsüni özüne çekdi.