Suratkeşlik / Morteza Katuzýan

1322-nji ýylyň 11-nji  tir aýynda (03/07/1943 milady ý.) dünýä indi we 1960-njy ýylda öz hünäri hökmünde grafika we suratkeşlige başlady.

Grafika sungatynda köp afişalar, logotipler, kitap örtükleri we broşýuralar ýasady. 1353-nji ýylda (1974 milady ý.) I.A.A. Bütindünýä Guramasy tarapyndan Tähranyň "Afrikanyň açlygy" atly halkara grafika sergisini geçirmek jogapkärçiligini kabul etdi we raýdaşlyk afişasy baýragynyň eýesi boldy.

Şu wagta çenli Morteza Katuzýanyň 4 jilt kitap nakgaşlyk eserleri çap edildi we eserleriniň köpüsi afişa hökmünde görkezildi. Bu suratkeşiň 5 eseri Tähranyň döwrebap sungat muzeýinde we köp sanly dürli eýranly we daşary ýurtly kolleksionerlaryň ýygyndylarynda saklanýar.

Ynkylapdan öňki ýyllarda grafika suratkeşler bileleşigini esaslandyryjylaryň biri we 2 ýyl direktorlar geňeşiniň agzasy boldy. Soňky ýyllarda köp sanly köpçülikleýin sergilere gatnaşdy we 4 sany hususy sergisini gurnady. Olaryň hemmesi, hödürlenen eserleriň ýokary hilli bolmagy we suratlarynda adamlara we durmuş meselelerine mähirli garamagy sebäpli Eýran sungatynyň taryhynda iň köp görülýän sergilere öwrüldi.

Resmi maglumatlara görä, 1368-nji ýylda (1989 milady ý.) Tähranyň döwrebap sungat muzeýinde geçirilen surat sergisinde 20,000 adam gatnaşdy. 1387-nji ýylyň hordad aýynda (2008 milady ý. Maý aýy) Saad Abad taryhy medeni toplumynda 94 eseri bilen geçiren iň soňky sergisinde, Ýunesko guramasy tarapyndan nakgaşlykda 50 ýyllyk zähmeti üçin we 30 ýyl çyn ýürekden eýran ýaşlaryna bilim berendigi sebäpli şanly dabarada guramanyň minnetdarlyk şahadatnamasyna eýe boldy.

Kiçijik studiýasynda 30 ýyllap surat çekmegi öwreden döwründe onlarça ussat suratkeşi sungat jemgyýetine taýýarlady.