Eýranly hünärmenleriň gatnaşmagynda geçirilen miniatýura we altyn çaýyp bezemeklik sungaty boýunça sungat ussatlyk sapaklary, Türkmenistanyň Döwlet Çeperçilik akademiýasynyň mejlisler zalynda ýurdumyzyň Medeniýet meseleleri boýunça geňeşçisiniň gatnaşmagynda döredijilik duşuşygy bilen tamamlandy.

    5-nji noýabrda Türkmenistanyň Döwlet Çeperçilik akademiýasynda Eýranly hünärmenleriň gatnaşmagynda miniatýura we altyn çaýyp bezemeklik sungaty boýunça sungat ussatlyk sapaklary öz işine başlap, 11-nji noýabrda döredijilik duşuşygy bilen tamamlandy. Bu dabaraly çärä Türkmenistanyň Döwlet Çeperçilik Akademiýasynyň ylmy işler boýunça orunbasary Ýagşymyradow Nurýagdy ýokary okuw jaýynyň mugallymlary we talyplary, Türkmenistanyň suratkeşler birleşmesiniň müdiri we bu birleşmäniň agzalary, eýranly ussat suratkeşler Näjme Alsadat Hosseýniýan we Sähär Seýedeh Haşemi, Eýranly diplomatlar, habar beriş serişdeleriniň wekilleri gatnaşdylar. Dabaranyň başynda Türkmenistanyň Döwlet Çeperçilik Akademiýasynyň ylmy işler boýunça orunbasary Medeniýet meseleleri boýunça geňeşçä şu sungat ussatlyk sapagyny geçirmek babatynda çeken zähmetleri üçin sag bolsun aýdyp, geçirilin sungat ussatlyk sapagynyň we Eýranly hünärmenleriň çeken zähmetleriniň netijeleri, akademiýanyň talyplarynyň döreden eserleri barada belläp, bu ussatlyk sapagynyň oňat tejribe bolandygyny aýdyp geçdi.  

          Şeýle hem Nurýagdy Goçbaýewiç Eýranyň Medeniýet merkezi tarapyndan Türkmenistanyň Döwlet Çeperçilik Akademiýasynda geçirilen çärlere ünsi çekip, şeýle diýdi: Türkmenistanyň Döwlet çeperçilik akademiýasy ylym, bilim we döredijilik ugurlarynda dünýäniň birnäçe döwletleri bilen ýakyndan dostlukly gatnaşyklary saklap gelýär. Esasanda Eýran Yslam Respublikasy bilen ýola goýlan dostluk köprüsiniň aýratynlygyny bellemek biziň üçin diýseň ýakymly.

Soňra Eýran Yslam Respublikasynyň Türkmenistandaky Medeniýet meseleleri boýunça geňeşçisi Nawid Rasuli çykyş etdi: Türkmenistanyň Döwlet Çeperçilik akademiýasynda Eýrandan gelen iki sany hünärmeniň gatnaşmagynda altyn çaýyp bezemek we miniatýura boýunça sungat ussatlyk sapaklary geçirildi. Bu sungat ussatlyk sapaklaryny geçirmekligiň esasy maksady iki ýurduň medeni umumylyklaryny göz öňüne tutup, tejribe alyşmaklyk, bilimleri paýlaşmaklyk, bar bolan başarnyklary ösdürmekden ybaratdyr.

Ol, sungatyň halklaryň arasyndaky agzybirligiň aýdyň mysalydygyna ünsi çekip sözüni dowam etdi: Sungat, halklary biri-birine ýakynlaşdyrmagyň aýdyň mysalydyr. Medeni-sungat çärelerinde we halkara derejesinde serhetlerden geçip, altyn çaýyp bezemek, miniatýura we ş.m. görnüşindäki sungatlar, halklaryň biri-biri bilen ýakynlygyny, agzybirligini we dostlugyny görkezip bildi. Şonuň üçin sungat ugurlarynyň düşünip bolýan we üstünlikli ugur, ýurtlaryň dili, medeniýeti we baý edebiýaty, hususan-da medeniýet we mazmun öwredişleri nukdaýnazaryndan, halkara derejesinde ýurtlaryň arasyndaky gatnaşyklary berkitmekde uly ornynyň barlygyny bellemek bolar.

Rasuli sözüniň soňunda şeýle diýdi: Sungat ussatlyk sapagynyň geçirilmegi, medeniýet alyş - çalyşynda we başarnyklary ýokarlandyrmakda täsirli orun eýeleýär. Sungat ussatlyk sapaklaryny geçirmek arkaly iki ýurduň suratkeşleri birek-biregiň medeniýetini we sungatyny tanatmakda we alyş – çalyş etmekde has uly derejelere ýetip bilerler diýip umyt edýärin.

Soňra Eýranly ussat suratkeşler Näjme Alsadat Hosseýniýan we Sähär Seýedeh Haşemi Türkmenistanda saparlary barada we ussatlyk sapaklary barada şeýle diýdiler: Eýran Yslam Respublikasy bilen Türkmenistanyň arasynda iki ýurduň arasyndaky gatnaşyklaryň ösmegine kömek edip biljek köp sanly medeni we taryhy umumylyk bar. Türkmen suratkeşleriniň döreden eserlerine baryp görenimizde, bu umumylyklaryň köňlügine göz ýetirdik.

Türkmenistanyň Döwlet Çeperçilik akademiýasynda altyn çaýyp bezemek we miniatýura sungatyny öwrenmek isleýänleriň köpdügine begenýärin. Gadyrly mugallymlar we talyplar üçin bu gysga wagtyň içinde Eýranyň bu iki görnükli sungatynyň azajyk bölegi bilen tanyş edip bilendiris diýip umyt edýäris.

Belläp geçsek, bu sungat ussatlyk sapagynda mugallymlar we talyplar altyn çaýyp bezemek we miniatýura sungatyny öwrenip, bu döwürde döreden eserlerini sergide görkezdiler.