Türkmenistanyň Daşary işler ministrliginiň Halkara gatnaşyklary institutynda Türkmenistanyň hemişelik Bitaraplygynyň 28 ýyllygy mynasybetli «Dialog – parahatçylygyň kepili» atly halkara forum we sergi geçirildi.

Raşit Meredow Türkmenistanyň Daşary işler ministrliginiň Halkara gatnaşyklary institutynda gurnalan sergide  Eýranyň Medeniýet merkeziniň bölümine aýlandy we ýurdumyzyň el işleri sungatynyň eserlerini Eýranyň medeniýetiniň we sungatynyň beýany hasaplady.

11-nji dekbarda Türkmenistanyň Bitaraplyk baýramçylygy mynasybetli  Türkmenistanyň Daşary işler ministrliginiň Halkara gatnaşyklary institutynda Daşary ýurt wekilhanalarynyň gatnaşmagynda sergi gurnaldy. Gurnalan sergide Türkmenistanyň ministrler kabinetiniň başlygynyň orunbasary we Daşary işler ministri Raşit Meredow Eýran Yslam Respublikasynyň Medeniýet merkeziniň bölümine aýlandy we sergidäki el işleri eserlerini ýurudmyzyň medeniýetiniň beýany hasaplady.

Şeýle-de bu sergä gatnaşýan daşary ýurtlaryň ilçihanalarynyň wekilleri ýagny Russiýa, Malaziýa, Türkiýe, Gazagystan, Hytaý, Ýewropa bileleşigi, Fransiýa, Italiýa, Watikan, Özbegistan ýaly ýurtlaryň wekilleri we ilçileri Eýran Yslam Respublikasynyň Medeniýet merkeziniň bölümindäki eserler bilen ýakyndan gyzyklandylar we ýurdumyzyň amaly – haşam sungatyny döredýän hünärmenleriniň işleriniň ýokary derejede ýerine ýetirilendigini bellediler. 

Bu sergä şeýle-de Türkmenistanyň dürli habar beriş serişdeleriniň wekilleri gatnaşyp, ilçi Ali Mojtaba Ruzbahani we Medeniýet boýunça geňeşçi Nawid Rasuli bilen söhbetdeş boldular  we söhbetli görnüşler Türkmenistanyň telewideniýesinde ýaýlyma berildi.

Halkara Forumyň çäklerinde «Öňüni alyş diplomatiýasynyň guraly hökmünde dialogy ulanmak», «Dialog arkaly parahatçylygy gazanmakda zenanlaryň orny», «Ýaşlaryň sesi: Dialog arkaly geljekki nesilleriň mümkinçiliklerini giňeltmek», «Halkara hyzmatdaşlyk: Global daşky gurşaw hyzmatdaşlygy boýunça diplomatik dialogy» atly tematiki ýygnaklary hem geçirildi.

Şuny belläp geçmek zerurdyr, 1995-nji ýylyň 12-nji dekabrynda 185 döwletiň biragyzdan goldamagynda Birleşen Milletler Guramasynyň Baş Assambleýasynyň Rezolýusiýasy bilen Türkmenistan Hemişelik Bitarap döwlet diýilip yglan edildi. Soňra 2015-nji ýylyň 3-nji iýunynda Birleşen Milletler Guramasynyň Baş Assambleýasynyň 69-njy mejlisinde Türkmenistanyň hemişelik Bitaraplyk derejesi 193 döwletiň goldamagynda gaýtadan ykrar edildi.