Beýik Saparmyrat Türkmenbaşy adyndaky Türkmenistanyň Şekillendiriş muzeýinde Eýran Yslam Respublikasynyň we Türkmenistanyň hünärmen zenanlarynyň nakgaşlyk we altyn çaýma eserleriniň bilelikdäki sergisiniň açylyşy boldy.

4-nji ýanwarda Türkmenistanyň Şekillendiriş muzeýinde Eýran Yslam Respublikasynyň we Türkmenistanyň hünärmen zenanlarynyň nakgaşlyk we altyn çaýma eserleriniň bilelikdäki sergisi ýurdumyzyň Türkmenistandaky ilçisi jenap Ali Mojtaba Ruzbahani, Beýik Saparmyrat Türkmenbaşy adyndaky Türkmenistanyň Şekillendiriş muzeýiniň müdiri Orazow Ismail, diplomatlar we olaryň maşgalalary, Aşgabat şäheriniň ýaşaýjylary we 2 ýurduň hünärmenleriniň gatnaşmagynda öz işine başlady. 

Çäräniň açylyşy Kerman şäherindäki terrorçylyk sebäpli şehid bolanlary 1 minutlyk ýatlama bilen başlady. Beýik Saparmyrat Türkmenbaşy adyndaky Türkmenistanyň Şekillendiriş muzeýiniň müdiri Orazow Ismail Eýran Yslam Respublikasynyň we Türkmenistanyň hünärmen zenanlarynyň nakgaşlyk we altyn çaýma eserleriniň bilelikdäki sergisiniň 2024-nji ýylyň ilkinji günlerinde geçirilmeginiň buýsandyryjy ýagdaýdygyny belläp geçdi.

Ol öz çykyşynda iki ýurduň döwlet baştutanlaryna sag bolsun aýdyp şeýle diýdi: Ýaňy – ýakynda eýran Yslam Respublikasyndan gelen wekiliýetiň gatnaşmagynda Mary welaýatynda amaly – haşam eserleriniň bilelikdäki sergisini we mozaýka sungaty boýunça ussatlyk sapagyny geçirdik. Şeýle dabaraly çäreleriň ýygy – ýygydan geçirilmegi Eýran Yslam Respublikasy bilen Türkmenistanyň arasyndaky medeniýet we sungat ulgamyndaky hyzmatdaşlygyň has-da ösýänliginiň alamatydyr. 

Eýran Yslam Respublikasynyň Türkmenistandaky ilçisi jenap Ali Mojtaba Ruzbahani hem Türkmenistanyň ýolbaşçylaryna sag bolsun aýdyp, dabaraly çäräniň 2024-nji ýylyň başynda geçirilmeginiň iki ýurduň ähli ulgamlardaky hususan-da medeniýet ulgamyndaky oňyn gatnaşygynyň netijesi hasaplady.

Ol sözüni dowam edip, altyn çaýmak we kitap owadanlamak sungatyna ünsi çekip şeýle diýdi: Altyn çaýmak we kitap owadanlamak sungatynyň örän gadymy taryhy bar we Eýranda suratkeşlik sungatynyň taryhy Lorestan welaýatyndan biziň eýýamymyzdan öňki döwürlere degişli bolan eserleriň tapylmagyndan gözbaş alýar.  

Jenap Ruzbahani sözüniň dowamynda sungat ulgamyndaky Eýranyň we Türkmenistanyň umumylyklaryna hem ünsi çekdi: Eýranda bu sungatlaryň gadymylygy “ÝUNESKO” halkara gurmasy tarapyndan Eýranyň miniatýura – nakgaşlyk we altyn çaýmak sungatlarynyň “Eýranyň maddy däl medeni mirasynyň” sanawynda hasaba alynmagyna sebäp boldy.

Eýran Yslam Respublikasynyň Türkmenistandaky ilçisi çykyşynyň soňunda Şekillendiriň muzeýinde geçirilýän sergide öz eserlerini sergä çykaran ähli gatnaşyjy hünärmenlere sag bolsun aýdyp şeýle diýip belledi: Eýranly hünärmenler tarapyndan şu sergide sergilenen sungat eserleri medeniýet, jemgyýet, daşky gurşaw we durnukly ösüş mowzuklaryna degişli täze eserlerdir, dilsiz we sözsüz nakgaşlyk we altyn çaýma sungatyna has-da köp üns beriler diýip umyt edýärin. 

Soňra Türkmenistanyň suratkeşler birleşmesiniň müdiri Ýazmyradow Çarymyrat öz çykyşynda bilelikdäki geçirilýän sergileriň we maslahatlaryň möhümligini belläp, medeni gatnaşyklaryň ösmeginde aýratyn orun eýeleýändigini belledi.

Ol sözüni dowam edip, Eýranyň miniatýura sungatyna hem ünsi çekdi: Eýranyň miniatýura sungaty örän meşhurdyr we ähli türmen nakgaşlar we hünärmenler bu uguruda Eýran Yslam Respublikasynyň hünärmenleri bilen hyzmatdaşlyk etmäge uly isleg bildirýärler.

Iki ýurduň zenan hünärmenleriniň eserleriniň sergisine aýlanmak bilen çäre dowam etdi.

Şuny belläp geçmek zerurdyr, Beýik Saparmyrat Türkmenbaşy adyndaky Türkmenistanyň Şekillendiriş muzeýinde Eýran Yslam Respublikasynyň we Türkmenistanyň hünärmen zenanlarynyň nakgaşlyk we altyn çaýma eserleriniň bilelikdäki sergisi 5-nji ýanwara çeli dowam etdi.