Bu dabaraly çärä Eýran Yslam Respublikasynyň Türkmenistandaky ilçisiniň orunbasary jenap, Bazubändi, Medeniýet merkeziň ýolbaşçysy jenap Ebrahim Pärwiz, Döwletmämmet Azady adyndaky Türkmen Milli Dünýä dilleri institutynyň rektorynyň ylmy işleri boýunça orunbasary Selbi Batyrowa, ýokary okuw jaýynyň mugallymlary we talyplary, ilçihananyň diplomatlary, pars dili öwrenijileri we okuw bölümiň işgärleri gatnaşdylar. Çäräniň başynda Selbi Batyrowa hemmelere hoş geldiňiz diýip, şeýle diýdi: Medeniýetiň, sungatyň, edebiýatyň adamlary ýakynlaşdyrýandygyna, birek – birege düşünmekde, hormat goýmakda, ruhy älemindäki ýakynlygy görmekdeköpri bolýandygyna,indi biz Bitaraplyk ýyllarymyzda türkmen – eýran hyzmatdaşlygynyň däbe öwrülen şunuň ýaly edebi agşamlaryndahem aýdyň görýäris.

Ol sözüni dowam etdi: Pärwin Etesäminiň eserleri paýhas we düşünjä baý bolup, jemgyýetiň saglygyna we hökümetiň güýjüne örän köp täsir ýetiripdir. Eýranda özboluşly eserlerinde adalat we adamzat hakda beýan eden birnäçe şahyrlar bar.

Döwletmämmet Azady adyndaky Türkmen Milli Dünýä dilleri institutynyň rektorynyň ylmy işleri boýunça orunbasary sözüni dowam etdi: Parwin Etesami 6 ýaşyndaka, kakasynyň terjime eden goşgularynyň hemmesi bilen Ýewropa edebiýaty bilen ýakyndan tanyşypdyr. Şoňa görä-de, 11 ýaşynda Firdöwsi, Nyzamy, Rumy, Nasyr Hysrow, Manuçehri we Enweri ýaly beýik pars şahyrlarynyň eserleri bilen tanyşyp, goşgularyny ýatdan öwrenipdir. Parwin Etesami durmuşynda köp kynçylyklar bilen ýüzbe-ýüz bolsa-da, eserlerini okanymyzda, onuň akylly, ahlakly, arassa we dindar aýaldygyna göz ýetirýäris.

Selbi Batyrowa sözüniň soňunda şeýle diýdi: Medeniýet merkezine medeni hyzmatdaşlygy berkitmäg ýardam berýän şular ýaly çäreleri geçirendigiňiz üçin sag bolsun aýtýaryn. Medeni diplomatiýa arkaly açýan dostlukly ýollaryňyz üstünliklere beslensin. 

Eýran Yslam Respublikasynyň Türkmenistandaky ilçihanasynyň Medeniýet merkeziniň ýolbaşçysy jenap Ebrahim Pärwiz öz çykyşynyň başynda hemmelere hoş geldiňiz diýip, şeýle diýdi: Medeniýet we edebiýat wekilleri halkyň medeni nyşanlary hökmünde taryhda elmydama milletleriň arasynda aragatnaşyk köprüsi hökmünde ulu orun eýeläpdirler, köplenç adamkärçilikli, ahlakly we filosofiki habarlary öz içine alýan eserleri tanatmaklyk, halklaryň arasynda düşünişmegi we dostlugy artdyryp bilipdir.

Ol sözüni dowam etdi: Parwin Etesami, özboluşly we çeperçilik stili bilen pars poeziýasynda aýratyn orny eýelän Pars edebiýatynyň taryhynda iň görnükli zenan şahyrlaryň biridir. Goşgulary görnükli orny eýeleýär we adatça okyjyny pikirlenmäge mejbur edýär. Parwiniň şahyrana stili aslynda ýönekeý we erkin diliň çuň we pelsepe temalarynyň utgaşmasy bolup, eserlerini jemgyýetiň ähli gatlaklaryna düşnükli dilde beýan edýär.

Medeniýet merkeziniň ýolbaşçysy sözüni dowam etdi: Parwin Etesaminiň stili eserleriniň güýçli taraplaryndan biri hökmünde ykrar edildi. Parwiniň jedelleri, adatça, adamlaryň özüni alyp barşyny, ahlak gymmatlyklaryny ýa-da jemgyýetçilik şertlerini alamatlandyrýan zatlaryň, haýwanlaryň ýa-da tebigatyň elementleriniň arasynda bolup geçýär. Ol bu gepleşikleri döretmek bilen, jemgyýetde bar bolan gapma-garşylyklary suratlandyrýar.

Ebrahim Pärwiz şeýle diýdi: 1314-nji hijri şemsi ýylynda (1935-nji milady ýylynda) Parwin Etesaminiň goşgular ýygyndysy “Parwin Etesaminiň diwany” ady bilen neşir edildi. Bu diwanda sosial eposlar we ahlak gymmatlyklaryny beýan edýän dürli görnüşdäki 606 goşgy bar. Ol dowamly eserler döredip, pars edebiýatynda täze ýol açdy. Häzirki wagtda Parwin diňe bir Eýranda däl, eýsem bütin dünýäde wepalylygyň we zenan edebiýatynyň nyşany hökmünde hem tanalýar. Parwiniň goşgularynyň köpüsi diliniň sadalygy, ahlak mazmuny we bilim berijilik gymmaty taýdan mekdeplerde edebi mysal hökmünde öwredilýär hem-de köp sanly mekdepdir medeni merkez onuň adyny göterýär.

Ol sözüni dowam etdi: Parwin Etesaminiň goşgulary adamlaryň görgülerine we kynçylyklaryna ünsi çekýär. Gynansak-da, ömri gysga bolup, 35 ýaşynda aradan çykan Parwin Etesaminiň goşgulary ahlak, ynsanperwerlik, dostluk we parahatçylygy öwüt – ündew edýän Döwletmämmet Azady we Magtymguly Pyragy ýaly şahyrlaryň arasynda baglanyşyk döredýär. Şübhesiz, poeziýa we edebiýat sebitdäki halklary has ýakynlaşdyrmak üçin deňi-taýy bolmadyk ukybyna eýedir we şu günki çäre Eýran bilen Türkmenistanyň iki ýurdunyň arasyndaky hyzmatdaşlygy berkitmeklik  üçin dogry ädimdir. Eýranyň we Türkmenistanyň iki ýurduň arasynda medeni hyzmatdaşlygy giňeltmekligi iki ýurduň ýolbaşçylarynyň we prezidentleriniň üns merkezinde gyzyklandyrýar. Şol sebäpli iki ýurduň ýolbaşçylaryna we prezidentlerine sag bolsun aýdýarys we olara jan saglyk, uzak ömür we alyp barýan işlerinde üstünlik arzuw edýäris.

Dabaraly çäräniň dowamynda şahyryň goşgularyna sahna ýerine ýetirilip, goşgy, makalalar we başga-da medeni çykyşlar ýerine ýetirildi. Dabaranyň soňunda çykyş eden ýokary okuw jaýyň talyplaryna we Pars dili öwrenijilere ýadygärlik sowgatlary gowşuruldy.